ای دل شوریده سیر ایله کمال اکبره عارض مجذوبیده حسن جمال اکبره
ای قلم گل همت ایله شوریله عاشقلره تا آچوم دل مختصر شرح خصال اکبره
گل دیمم گلده بیله رنگ و طراوت کیم گوروب گلشن اولسا دهر چاتماز رنگ آل اکبره
گلشن ایچره سرو هارا اکبرده کی قامت هارا سرو یتمز قامت با اعتدال اکبره
پرتو خورشیدیله دوتما برابر طلعتین شرم ایدر گون باخسا روی بی مثال اکبره
آسمانداعشقیله سیر ایلوری شمس و قمر بوسه ویرسون طاق ابروی هلال اکبره
یوسفه اولموش زلیخا عاشق واله اگر مین زلیخا عاشق اولموش یوزده خال اکبره
آرزو ایلردی هر کیمسه رخ پیغمبری سیر ایدردی اشتیاقیله جمال اکبره
من سلیمان احتشامین ایتمرم هرگز قیاس احتشام وشوکت و فر و جلال اکبره
حاتم ار جود و سخاده شهره دور علمده لیک ریزه خوار اولسون گرک خوان نوال اکبره
هر کس ایستیر کسب ایده عالمده گر شان و وقار عجزیله قویسون یوزون گرد نعال اکبره
نا امید اولماز جهاندا کیم امیدین باغلاسا بخشش و جود و نوال لا یزال اکبره
هر ایکی دنیاده مسعود و سعادتمند اولار چاتسا گر هر مرده دل بیر دم وصال اکبره
بیر شجاعت گوستریبدور روز عاشوراعقول قالدیلار حیرتده باخدیقجا جدال اکبره
نار نیرانه اولوب واصل اوکی بی واهمه عرصه دعواده یوز قویدی قتال اکبره
روز محشر ای نویدی حق قصوریندن گیچر
سینن اوسته گر گوزی دوشسه مدال اکبره
ورود آل الله به شام