یا حضرت مسلم دل سوزانیوه قربان
ائلدن آرالی خورداجا طفلانیوه قربان
ای فاطمه نین اوغلونون ازاده سفیری
ایثاریوه اخلاصیوه ایمانیوه قربان
تک جانیوه قربان- طفلانیوه قربان
****
ای غملی نماینده سی غربتده حسینون
باتدون قانا تا اولسون ادا عشقیده دینون
قالدی الی قوینوندا ایکی نور دو عینون
جانلار او جگر داغلی یتیمانیوه قربان
تک جانیوه قربان- طفلانیوه قربان
****
تنگ اولدی بو عالم سنه ای کوفه غریبی
گوز یاشون آخوب دامنه ای کوفه غریبی
دوشدون قفس دشمنه ای کوفه غریبی
باغلاندی قولون حال پریشانیوه قربان
تک جانیوه قربان- طفلانیوه قربان
****
ای نور دو چشمان علی شاه ولایت
آغلاردی سنه ختم رسل قبل ولادت
از بس که حسینه واریدی سنه ارادت
جان اوسته دئدون حکمیوه فرمانیوه قربان
****
قول باغلی چخاتدی سنی قاتل لب بامه
گوز یاشلی سلام ایلدون اول حالدا امامه
آهیله دئدون گلمه حسین شهر ظلامه
ای نوح زمان باشداکی طوفانیوه قربان
****
گلسن آقا جان باشیوه جان اوسته دولانام
سن امر ائله سون قانیمه مین دفعه بویانام
گلمه سنه قربان یانان اولماز سنه یانام
ای شمع وفا جلوه ی ایوانیوه قربان
****
گلمه آقا جان کوفه لیلره حیله قورالار
نا اهلید یلر عترت اطهاری یورالار
نازلی بالالارون یوزنه سیلی ورالار
یاریله اولان عهدیوه پیمانیوه قربان