چونکی او یئرده بیر نچه کعبه آرزو یاتوب
علت خلق ما خلق مظهر حی و هو یاتوب
آینه جمال حق خلقته آبرو یاتوب
وار یئری غبطه ایلسه ارضه سما بقیعده
اولموش اورا باخاندا چون گرچه خرابه ظاهری
ایلوری چوخ فسرده دل ظاهری گرچه ناظری
لیک او یئرده دفن اولوب شیعه لرین مفاخری
دفن اولونوبدی بیر نچه باب رجا بقیعیده
ام الائمه گوییا اوردا یاتوب ملالیله
تیره ترابه ئوز قویوب قامتی چون هلالیله
غسلنی وئردی مرتضا قلبی شکسته حالیله
نیمه شبده دفن ائدوب شاه ولا بقیعیده
بیرده شهید زهر کین دردی شماره گلمین
جدی رسولدن صورا لعل لبانی گولمین
یعنی سرور سینه خاتم الانبیا حسن
اول اولوب مجاور خیر نسا بقیعیده
وارث شاه کربلا زینت و فخر ساجدین
مونسی اشک دیده سی همدمی آه آتشین
قرخ اییل حسینیدن صورا آغلادی ایلدی انین
ایمدیده آغلوری یقین زین العبا بقیعیده
معدن علم و معرفت حضرت باقرالعلوم
دوزدی دایاندی هر قدر اوستونه غم ائدوب هجوم
گلشن عمرحضرتی سولدوروب عاقبت سموم
تپراقا قویدی گل یوزون میر هدا بقیعیده
صادق آل احمدین یاده دوشنده غربتی
جان و دله شرر سالار قصه درد و محنتی
زهر جفائیله عدو ائتدی شهید او حضرتی
غمله یاتوبدی صادق آل عبا بقیعیده
بیرده یاتوبدی بیر خانم قدی خمیده دلغمین
صید ائله دی قضا اونون ائتدی شکسته شهپرین
دشت بلاده اوغلونون سالدیلا تندن اللرین
قوردی عزا بساطنی ائتدی نوا بقیعیده
چوخدی اگر چه دهریده جاه و جلال و عزتی
یئتمز او عز و جاهیله کرب و بلایه شوکتی
واردی حسین یاتان یئرین عرش خدایه رفعتی
گر چه یاتوب حبیبه ذات خدا بقیعیده
سنده بقیعیدن قلم سیر ائله کربلایه گئت
یاد ائله دخت حیدری آهیله نینوایه گئت
اللری باشدا گور نجه سسلنوری صبایه گئت
عرض ائله کربلایه گل یاتما آنا بقیعیده
حمله ور اولدی گلشن جدیمه زاغیلن زغن
غارته گئتدی سربسر سوسن و سرو و یاسمن
جسمی حسینیمون قالوب گونلر ائوینده بیکفن
وار یئری قارداشیم حسن دوتسا عزا بقیعیده
محنت کربلانی سال یاده نویدی آغلا یان
لطف ائلیوب خدا سنه یاز اوخی سینه داغلا یان
ذکر ائله دلده بو سوزی اشکون عذاره باغلا یان
کاش ا ولا قسمت ائیلیاخ آه و نوا بقیعیده
ورود آل الله به شام