سن چکوبسن سینه وه روح بتول اطهری حق سنه لطف ایلیوب گور نه سعادت ارض طوس
سینه وی سن خوابگاه شاه ذوالمن قیلمیسان موسیان عشقه بیر وادی ایمن قیلمیسان
سینه وی سن شهریار دینه مدفن قیلمیسان تاپمیسان جاه و جلال و شاءن و شهرت ارض طوس
سنده بیر شمس منیر چرخهء عزت یاتوب سنده بیر دریای علم و معدن حکمت یاتوب
سنده بیر کان محبت اسوه ء رافت یاتوب سنده دور اسطوره مهر و مودت ارض طوس
سنده آرام دل ساقی سرمستان یاتوب سنده بیر بحر سخاوت معدن احسان یاتوب
سنده بیر هادی دین و حجت سبحان یاتوب سنده دور احیاگر دین و دیانت ارض طوس
تربت پاکون اولوبدور توتیای چشم حور بی گمان سندن ایدر نور جمال حق ظهور
سنده چون مدفون اولوبدو معنی الله نور تربتوندن فیض آلار اهل هدایت ارض طوس
سنده بیر شمس هدایت ظلمیله ایلوب کسوف سنده اولدی جبریله مقهور بیر شاه رئوف
شه نه شه آئینه مهر خداوند عطوف کیم سنه اولموش وجودی زیب و زینت ارض طوس
چوخ سوزوم وار سنده کی شاه فلک درگاهیله حسرت پابوسیم دائم فغان و آهیله
گر چه بوللم نسبتی یوخدور گدانین شاهیله لیک چون دریادی اول شهده عطوفت ارض طوس
گر چه چوخ چوخدور جلال و جاه و شان و شوکتین گر چه محسود خلایقدور او عالی تربتین
لیک بیر یئر وار اورا چاتماز مقام و رتبتین چون او یئرده دفن اولوب شاه شهادت ارض طوس
کربلا دور آدی شانی عرش اعلادن فزون مثل و مانندین گوره بولمز بو چرخ بیستون
آرتاجاق عز و جلالی هر دولاندیقجا قرون رونقی ائتمز تنزل تا قیامت ارض طوس
کربلا صحرای عشق و مامن عشاق اولوب بیر گلستاندور کی تک تک گللری اوراق اولوب
کیم او صحرایه اولا زائر بئله اطلاق اولوب زائر عرش خدادور در حقیقت ارض طوس
بو نویدی باغلاماز دنیاده دل بیگانیه کسمز امیدین بو درگهدن ولو
بیر ثانیه شاه طوس آگهدی کیم محتاجیدی کا شا نیه شاهه عرضین اشکیله ایتدی کتابت ارض طوس
ورود آل الله به شام