چکردی ظلمت شب پرده بام و دیواره
باتاردی دامن آفاق موج زنگاره
حلول ایدردی گیجه کوفه شهرینه آرام
دوتاردی آینه ی روشن سپهری ظلام
قویاردی گوندوزون اعمالنه گیجه سرپوش
اولاردی همهمه و هایهوی لر خاموش
او عادتیله که معلومیدور شبانگاهین
هامی اراده ایدوب منزلین امانگاهین
زمانه اوز روش جاودانه سین تاپدی
پرنده ده پر آچیب آشیانه سین تاپدی
غریبین اوزگه دیارینده خانمانی هانی
مدینه لی اولانین کوفه ده مکانی هانی
گوروب او منظره نی نایب امام زمان
ملالدن اورگی پرده پرده باغلادی قان
او عزمی آهن و فولاددن اولان محکم
بلا اراده ویراردی او تیره شبده قدم
اولوب بو گشت و گذر منتهی بلا ایوینه