عطر یاس ویاسمن گلزاره دولسون باشلاسین شاخه نسرین و سوسنده ترنم تا هزار
ظاهر اولسون صبحدم خورشید عالمتاب عشق تا لجام لیل تاری جلوه سی ایتسون مهار
کاش هجران قورتولوب گلسین نگاریم عارضه اشک چشمیم شوقیدن آخسین بسان آبشار
مه جمالیندن نگاریم کاش چکسین بیر نقاب حسن رویوندن مه کنعانی ایتسون شرمسار
تار گیسوی گره گیرون آچا همچون کمند بینوا عاشقلرین بیر آنیده ایتسین شکار
کیمدی اول یار دل آرا گورممیش مه صورتین ترک غارتگر کیمی دل ملکین ایلوب تارومار
زلف مشکینی دوشن وقته رخ بی مثلینه ایلوری روز فروزانی گوزومده لیل تار
رشته عشقینده تنها من اسیرم ؟ یوخ یقین اهل عالم اول نگارین عشقینه اولموش دچار
گر باخا حقبین گوزیله مدعی حتما" بولر تک وجود یاریمیله عالم اولموش استوار
گر مشام جانه عطری چاتسا اول سیمین رخون حقی وا ر دوشسه نویدی چوللره دیوانه وار
التماس دعا
ورود آل الله به شام