او گوزل جمالیوه یا علی گوزوون یاشین بئله باغلاما توکوب اول عذاره سرشکیوی بو یارالی سینه می داغلاما
گوزوون فداسی اولوم اوزوم بو قدر یانا یانا آغلاما گل اوتر سیلیم گوزوون یاشین ائلیوم وصیت عم اوغلی جان
منه غسل وئر گئجه یاریسی کفن ائیله ای شه ممتحن بودی خواهشیم ائوز الونله گل منی قبره قوی گئجه وقتی سن
بو زمانه قدریمی بولمه دی بودی قصدیم اولمیه تا بولن که هایاندا فاطمه دفن اولوب بو وفاسیز امت عم اوغلی جان
اولی منجلی گوز ائوینده حق یوزووه ائدنده نظاره من گل اوتور بو آخر عمروده باخیم اول عذاره دوباره من
بالالاریمی سنه تاپشیریم گئدیرم حضور نگاره من که بولاردی باغ ولایته گل با طراوت عم اوغلی جان
من او بلبلم که جفا الی منی حسرت چمن ائیلدی دئمیوبدی بیر کس عدو سنه بو قدر ستم ندن ائیلدی
منه فتح باب ستم فقط یولی کوچه ده کسن ائیلدی اورگون یانار اگر ائیلسم سن من حکایت عم اوغلی جان
یئری واردی تیر مصیبتیم دل عالمی دله یا علی نقدر بلا و محن گله دوزوب ائتمرم گله یا علی
بدنیمده کی یارالاریمی بالالار اگر بیله یا علی نئجه تاب ائده له بو محنته نئجه استقامت عم اوغلی جان
ورود آل الله به شام