ازدحام اولدی صول الدن گاهی صاقین اوپدولر
عشقیله یا حق دین زیبا دوداقین اوپدولر
ذبح ایدوب قربان یولی اوسته ایاقین اوپدولر
ایتدیلر اظهار خدمت بی نهایت مسلمه
هانسی قصری منزل ایتسن اختیارون وار آقا
هر نه امر ایتسن ایدوبسن اقتدارون وار آقا
گور نقدری کوفه ده خدمتگزارون وار آقا
باعث گفتار اولوبدور بو مودب مسلمه
قیلدی فرمایش تعارف ایتمیون بیجا منه
قصر و خادم کوفه ده لازم دگل اصلا منه
گیتمرم بیراهه دوز یول اورگدوب مولا منه
منزیلینده ویرمه سون بیر کس ضیافت مسلمه
*******
آند ویرّم من سیزی وجدانوزه ایمانوزه
ساخلیون بو احترام مقدمی سلطانوزه
خدمت ایلون اهل عیالیله گلن مهمانوزه
محترم دوتسوز اونی ایلر کفایت مسلمه
قلبیمه بو سوز توخاندی مثل اینکه دگدی اوخ
مسلومون فرمایشی تاثیر ایدوب حضاره چوخ
بولمورم خولی او مسجدده واریدی یا که یوخ
واریدی علّت ندور قویمادی حرمت مسلمه
یازماقا دنیا بویی نسگللی سوز وار کوفه ده
بی وفا چیخدی وفادن دم ورانلار کوفه ده
مسلمی سیندیردی بیعت سیندرانلار کوفه ده
ورود آل الله به شام