صرصر ظلمیله گلشنده گل عمروم سولوب باش سینیبدور گوزلریمه باشیمین قانی دولوب خونچه تک
نعشیم بزنمیش طوی حناسی قان اولوب رنگرنگ گللر آچیب جسمیمده الوانم عمو
اولموشام گل گور نئجه پرپر گل خندان کیمی گل چیخیبدور پیکریم شیرازه دن قرآن کیمی گل قباقیندا
کسللر باشیمی قربان کیمی من ازلدن سنکیمی سلطانه قربانم عمو
من یارالی صید تک صیاد الینده قالمیشام بیر مقصر تک نئچه جلاد الینده قالمیشام چاره دن
بیچارییم بیداد الینده قالمیشام صید تک من دستگیر قوم عدوانم عمو
من عم اوغلومدان صورا دنیانی باشدان آتمیشام قلبیمین قانین توکوب گوزدن سرشکه قاتمیشام حجله گه
فرض ائتمیشم قان ایچره راحت یاتمیشام گل آچوب جسمیم ایاقدان باشه پیکانم عمو
طویدا داماده آتاسی رسمیدور قربان کسر من یتیمم بو خیال اوسته اورک تترر اسر واردی بیر
نسگیل اورکده یاندیرار اوتدان بتر بیر بئله مهلک یاره یلا بیرده عطشانم عمو
من ازل گوندن شراب عشقیوون سر مستییم دیل قاناندان رشتهء عشقونله پای بستییم جانیوه
اولسون قسم جانیم عزیزی خستییم دردلییم ئوز دردیمه محتاج درمانم عمو
قتلیمه خنجر چکیبدور قان توکن جلادلر تئز یئتیش فریادیمه وئرمیر امان بیدادلر سهم سهم
ایلیر یارالی جسمیمی صیادلر برگ برگ اولموش وجودیم مثل قرآنم عمو
گل منی بیرده خیامه حمل ائله اکبر کیمی باشیمین قانی آخیر رخساریمه حیدر کیمی آت ایاقی
جسمیمی پوزدی گل احمر کیمی قان یمی جوش ایلیوبدی غرق طوفانم عمو
جسمیمین نقشین پوزوبدی ای عمو آت دیرناقی پیکریم خاک اوسته اولموش بیر سولان گل یپراقی نقش بند
ائتدی یارامی کربلانین تپراقی ئوزلوقومدان چیخمیشام خاکیله یکسانم عمو
زلفومی آلمیش اله جلاد بیرحم و دنی ایستیری قتله یتورسون خنجری الده منی بیر گوزوم
خنجرده دی اما بیری گوزلور سنی گل جمالین گورماقا من چوخ شتابانم عمو
افتخاریمسان نشانیم همده نامیمسان منیم من آتاسیز سن اوغولسوز هم مرامیمسان منیم هم آتامسان
هم عمومسان هم امامیمسان منیم آتش هجرینده مجمر مثلی سوزانم عمو
جان دوداقیمده گوزوم یولدا گوزوم یاشی آخیر سن گلن یوللاره بو قاندان دولان گوزلر باخیر آتش هجرون
یانان بو قلبیمی ناره یاخیر ایچماقا وصلون شرابین ائیله عطشانم عمو
ورود آل الله به شام