مه جمالینده قرا زلفی سحاب ایلمیسن
نار هجرینده دل زاری کباب ایلمیسن
عاشقم سنکیمی شهزادهء والایه اودور
منی مستوجب قهریله عذاب ایلمیسن
تا گوزوم دوشدی جمالینده لب میگونه
بیر باخیشدا منی مشتاق شراب ایلمیسن
منکی مجنون کیمی عشقینده بیابانگردم
نازیویله منی سن خانه خراب ایلمیسن
شرح حسنونده کفایتدی که مه رویونده
تکجه بیر خالیوی مین جلد کتاب ایلمیسن
وصلیوه منکه خیال عالمی هر دم یتدوم
ظاهر اولماقیوی دیده مده سراب ایلمیسن
سر کویونده قوجالسامدا غم ایتمم هرگز
قلبیمی چونک محبتله شباب ایلمیسن
فخر ایدر گورسه نویدی اگر اغیار ایچره
درگهونده اونی بیر عاشق حساب ایلمیسن
ورود آل الله به شام